Ոսկու գինը երկուշաբթի առավոտյան բարձրանում է՝ հասնելով մեկ տրոյական ունցիան 1 880 դոլարի, վկայում են աճուրդների տվյալները։ Դոլարի էժանացումը նպաստում է թանկարժեք մետաղի արժեքի բարձրացմանը։
Ոսկու փետրվարյան ֆյուչերսի գինը Նյու Յորքի Comex բորսայում բարձրացել է 10,25 դոլարով կամ 0,55 տոկոսով՝ մեկ տրոյական ունցիան 1 879,95 դոլար։ Արծաթի մարտյան ֆյուչերսը թանկացել է 0,64 տոկոսով՝ մեկ ունցիան 24,135 դոլար։
