Իմ նամակը՝ Շահրիար Մամեդյարովին
Բարև, Շահրիար
Տխրությամբ կարդաց այն, ինչ «դու» գրել ես ինձ: Ես քեզ գիտեմ երկար տարիներ, սիրում եմ քո ընտանիքը ու քեզ ինչպես հարազատներիս, չնայած վերջին տարիներին ինձանից հեռացել եք:
Դու երբեք չէիր ասի այն բառերը, որոնց տակ քո ստորագրությունն է: Դու բարի ու հասկացող մարդ ես:
Ես չեմ ցանկանում հիմա հրապարակային պատասխանել քո մեղադրանքներին իմ հասցեին, դու գիտես ինձ ու գիտես, որ ես երբեք որևէ մեկին չեմ մեղադրել ոչ իմ անձնական կյանքում, ոչ հրապարակային:
Երբ 30-ական թվականներին Ալյոխինը գրել էր պատվիրված հոդված արիական շախմատի մասին, նա երկար տարիներ փորձում էր ջնջել այդ ամոթալի էջն իր կայնքից: Աստված տա, որ դու երբեք ստիպված չլինես նման նամակներ գրել:
Անկեղծ քո Լևոն:
Լևոն Արոնյան
Ավելի վաղ ադրբեջանցի շախմատիստը Լևոն Արոնյանին մեղադրել էր «Հայաստանի համար ամենադժվար պահին երկիրը լքելու ու բարեկեցիկ կյանքը նախընտրելու մեջ»:
