Հայաստանի և Ադրբեջանի նախագահներ Սերժ Սարգսյանը և Իլհամ Ալիևը պետք է որքան հնարավոր է շուտ սկսեն ղարաբաղյան հակամարտության կարգավորմանն ուղղված բանակցություններ: Այս մասին ասված է ԵԱՀԿ Մինսկի խմբի համանախագահ երկրների պատվիրակությունների ղեկավարների համատեղ հայտարարության մեջ, որն ընդունվել է Համբուրգում տեղի ունեցած հանդիմամ արդունքում և ոչը
«Համանախագահ երկրները հանդիպում կկազմակերպեն Հայաստանի և Ադրբեջանի նախագահների միջև, երբ վերջիններս պատրաստ կլինեն: Մենք վստահ ենք, որ նախագահները պետք է որքան հնարավոր է շուտ սկսեն բանակցությունները: Համանախագահների հովանու ներքո նախագահների միջև չընդհատվող և ուղիղ երկխոսությունը շարունակում է մնալ կարևորագույն գործոնը խաղաղ գործընթաացի առաջընթացի և վստահության ամրապնդման գործում»,-ասված է հայտարարության մեջ, որը տարածել է Ռուսաստանի Դաշնության ԱԳՆ-ն
Համանախագահները նաև իրենց անհանգստությունն են հայտնել շարունակվող միջադեպերի մասով: Նրանք դատապարտել են ուժի և ուժի սպառնալիքի կիրառումը. «Հակամարտությունը ռազմական ճանապարհով լուծում չունի, իսկ անմեղ մարդկանց շրջանում զոհերն ու վիրավորները արդարացում չունեն: Մենք կոչ ենք անում կողմերին հաստատել է հավատարմությունը հակամարտությունը խաղաղ ճանապարհով լուծելու սկզբունքին: Մենք նաև կողմերին կոչ ենք անում հավատարիմ մնալ 1994-95 թվականներին հրադադարի մասին համաձայնագրերին»:
Բացի դրանից, համանախագահները կոչ են արել Երևանին և Բաքվին պահպանել այն պայմանավորվածությունները, որոնք ձեռք են բերել Վիեննայում և Պետերբուրգում նախագահների մակարդակով տեղի ունեցած հանդիպումների ժամանակ. «Մենք կողմերին հիշեցնում ենք, որ կարգավորումը պետք է լինի Հելսինկյան եզրափակիչ ակտի սկզբունքներով, այսինքն ուժի չկիրառման, տարածքային ամբողջականության և ազգեր ինքնորոշման իրավունքի սկզբունքներով»:
Հայտարարության մեջ նաև հիշեցում կա համանախագահ երկրների նախագահների առաջարկությունների մասին, որոնք վերաբերում են ինչ-որ տարածքներ Ադրբեջանին վերադարձնելուն, Լեռնային Ղարաբաղի ժամանակավոր կարգավիճակին, անվտանգության և ինքնակառավարման երաշխիքներին, Հայաստանն Արցախին միացնող միջանցք ստեղծելուն. Լեռնային Ղարաբաղի վերջնական կարգավիճակին, փախստականների ազատ տեղաշարժին, անվտանգության միջազգային երաշխիքներին՝ ներառյալ խաղաղապահ օպերացիաները:
