Արցախի Հանրապետությունում Կորոնավիրուսի դեմ պայքարի միջոցառումները համակարգող միջգերատեսչական հանձնաժողովի առաջարկությամբ Արցախի կրթության, գիտության և սպորտի նախարարը հրաման է ստորագրել՝ ուսումնական հաստատություններում դասապրոցեսը մարտի 14-ից 23-ը դադարեցնելու վերաբերյալ:
Չեղարկվել են մշակութային, մարզական և այլ մասսայական միջոցառումներն ու հանդիպումները: Միաժամանակ հանձնարարվել է ուսումնական հաստատություններում ապահովել կանխարգելիչ և հակահամաճարակային միջոցառումների կազմակերպումը:
