Երեկվանից մի քիչ անհանգստացած էինք, որովհետև լուր կար, որ Բրազիլիայի նախագահի օգնականներից մեկի մոտ կորոնավիրուսի դեպք է հաստատվել, նախագահը նույնպես թեստ է անցել և սպասում է պատասխանի: Մենք, երեկ այդ մասին իմանալով, որոշեցինք մեկուսացվել: Իհարկե ոչ միանգամից, քանի որ այսօր աշխատանք կար, որը պետք էր անել: Այսօր երեկոյան մենք Սևան գալիս վերնագիր տեսանք, որ Բրազիլիայի նախագահի թեստը դրական է եղել, հաստատվել է կորոնավիրուսը: Ֆեյսբուքյան ուղիղ եթերում հայտարարեց Նիկոլ Փաշինյանը:
Վարչապետը հիշեցրեց, որ կինը մարտի 7-ին հանդիպում է ունեցել Բրազիլիայի առաջին տիկնոջ հետ և թարսի նման ողջագորվել: Փաշինյանը հայտնեց, որ գնացել են Սևան մեկուսանալու: Առաջին գործողությունը եղել է ջերմություն չափելը, ջերմություն չի եղել: Մի քանի անգամ չափել են, ջերմություն չի եղել, համոզվել են, որ ամեն ինչ նորմալ է:
Փաշինյանը հայտնեց, որ դրանից հետո պաշտոնական հերքում է եղել, Բրազիլիայի նախագահը հիվանդ չէ: Նա ամեն դեպքում նշեց, որ կշարունակեն մնալ մեկուսացված պայմաններում, վաղն առավոտյան թեստ կհանձնեն՝ համոզվելու համար, որ ամեն ինչ կարգին է, չնայած հավանականությունը շատ փոքր է, որ վարակված են կորոնավիրոսով: