Ինդոնեզիայի տրանսպորտի նախարար Բուդի Կարյա Սումադին վարակվել է կորոնավիրուսով։ Այս մասին հայտնում է տեղի «detik» պորտալը։
«Տրանսպորտի նախարար Բուդի Կարյա Սումադիի կորոնավիրուսի թեստի արդյունքը դրական է։ Նրան ժամանակավորապես կփոխարինի ծովային գործերի և ներդրումների համակարգման նախարար Լուխութ Բինսար Փանջայթանը»,-գրել է պորտալը:
Ըստ վերջին տվյալների՝ Ինդոնեզիայում կորոնավիրուսով վարակվածների թիվը հասել է 69-ի, մահացել է 4 մարդ:
