ՀՀ փոխվարչապետ Տիգրան Ավինյանը «Ֆեյսբուք»-ի իր էջի գրառմամբ տեղեկացրել է, որ կորոնավիրուսի կանխարգելման հանձնաժողովի նիստի որոշմամբ պետական գերատեսչություններին հանձնարարվել է իրենց գործառույթներից ու ծանրաբեռնվածությունից ելնելով դիտարկել մոտակա 10 օրերի ընթացքում աշխատակիցների մի մասի դեպքում աշխատանքը հեռահար եղանակով իրականացնելու հնարավորությունը։
«Սա հատկապես վերաբերում է 60 և ավելի տարիք և/կամ շաքարային դիաբետ, սրտանոթային, շնչառական հիվանդություններ ունեցող անձանց աշխատանքի կազմակերպմանը»,- նշել է Ավինյանը։
Առողջապահության նախարար Արսեն Թորոսյանն էլ կոչ է արել նման մոտեցում որդեգրել բոլոր տնտեսվարողներին։
