ԱՄՆ նախագահ Դոնալդ Թրամփը տեղեկատվություն է ստացել այն մասին, որ կորոնավիրուսը տարածվել է Չինաստանի Ուհան քաղաքի լաբորատորիաներից: Այս մասին նա խոսել է Սպիտակ տանը կայացած ճեպազրույցի ժամանակ, փոխանցում է Ինտերֆաքսը:
Նրա խոսքերով, վիրուսն իսկապես կարող էր տարածվել Ուհանի վիրուսաբանության ինստիտուտից: Միևնույն ժամանակ, ԱՄՆ նախագահը հրաժարվել է տրամադրել այս վարկածը հաստատող որևէ այլ մանրամասներ:
Պետության ղեկավարը հավելել է, որ սա վիրուսի ծագման մասին միակ վարկածը չէ․ «Մենք կստանանք պատասխաններ համեմատաբար շուտ ժամկետներում»,-խոստացել է նա:
