ԱՄՆ ռազմական փորձագետները մշակել են նոր թեստ, որը կարող է հայտնաբերել արյան մեջ կորոնավիրուսի առկայությունը վարակվելուց հետո 24 ժամվա ընթացքում: Այս մասին հայտնում է ՏԱՍՍ-ը՝ հղում անելով «The Guardian»-ին:
Նախագծի ղեկավարները նշում են, որ նոր թեստային համակարգը կարող է հայտնաբերել վիրուսը դրա տարածումից չորս օր առաջ․ «Այն ավելի շուտ է հայտնաբերում վիրուսը, քան ներկայիս թեստերը»,-գրում է հրատարակությունը:
Այժմ գիտնականները սպասում են իշխանությունների պաշտոնական թույլտվությանը՝ նոր թեստերը կիրառելու համար: Դա կարող է տեղի ունենալ մեկ շաբաթվա ընթացքում, ինչը հնարավորություն կտա անցկացնել այս թեստը մայիսի երկրորդ կեսին: