Իսպանիայի պատգամավորների կոնգրեսը՝ երկրի խորհրդարանի ստորին պալատը, քվեարկել է էվթանազիայի օրինականացման օգտին: Համապատասխան օրինագծին աջակցել է 350 օրենսդիրներից 198-ը: Հաղորդում է El Pais-ը:
Ենթադրվում է, որ բժիշկների օգնությամբ ինքնակամ հրաժեշտ կտան կյանքին անբուժելի, ինչպես նաև անբուժելի քրոնիկ հիվանդություններով տառապող մարդիկ, որոնք անտանելի մտավոր կամ ֆիզիկական տառապանք են պատճառում նրանց։
Օրինագիծը ենթադրում է, որ երկրի չափահաս քաղաքացին կամ բնակության թույլտվություն ունեցող անձը կարող է էվթանազիայի խնդրանք ներկայացնել: Նրանից կպահանջվի առնվազն չորս անգամ հաստատել իր որոշումը, և նա ցանկացած պահի իրավունք կստանա հետ կանչել դիմումը կամ պահանջել երկարաձգել այն: Յուրաքանչյուր դեպք կհսկվի հատուկ հանձնաժողովի կողմից:
Օրինագիծը դեռ չի ընդունվել. Պատգամավորների կոնգրեսի կողմից ընդունվելուց հետո այն կքննարկվի Սենատում՝ Իսպանիայի օրենսդիր մարմնի վերին պալատում: Ընդունման դեպքում այն ուժի մեջ կմտնի 2021 թվականի առաջին կեսին:
