Նիկոլ Փաշինյանը Գորիս, Կապան ու Մեղրի չի գնա: Այս մասին նա քիչ առաջ հայտնեց Սիսիանում՝ նշելով, որ չի ցանկանում բախումներ հրահրվեն ճանապարհները փակած քաղաքացիների հետ:
Նշենք, որ այս պահին մեծ թվով քաղաքացիներ փակել են Սյունիք մտնող ճանապարհները, սակայն Փաշինյանն ինչ-որ կերպ, հավանաբար՝ ուղղաթիռով հասել է Սիսիան:
Փաշինյանն այստեղ, իր խոսքերով, գործարք առաջարկեց ճանապարհը փակած քաղաքացիներին՝ նշելով, որ կգնա, եթե այն բացեն:
Հիշեցնենք, որ երկու օր առաջ Նիկոլ Փաշինյանը, չնայած բախման վտանգին, Եռաբլուր գնաց, որտեղ բազմաթիվ ոստիկանական ուժերի միջոցով հնարավոր եղավ բացել զոհված զինվորների հարազատների և ազատամարտիկների կողմից փակված ճանապարհը և մուտք գործել Եռաբլուրի պանթեոն:
Նշենք, որ բազմաթիվ քաղաքացիներ պահանջում էին Փաշինյանից չմտնել պանթեոն և չպղծել զոհվածների հիշատակը:
