Ենթադրում եմ, որ նախկինում ընդունված է եղել նախընտրական շրջանում ավելի մեղմ գտնվել և մարդկանց քիչ տուգանել: Ես՝ հակառակը, հորդորում եմ ձեզ ավել տուգանել բոլոր խախտումների դեպքում, որովհետև կյանքը, փորձը ցույց են տալիս, որ շատ տարբեր սուբյեկտներ էս շրջանն օգտագործում են տարբեր ապօրինություններ իրականացնելու համար: Երևանի քաղաքապետարանում գործակարգավարական նիստում ասաց Երևանի փոխքաղաքապետ Տիգրան Ավինյանը՝ խոսելով ապօրինի շինարարության մասին:
Ավինյանի խոսքերով, բոլոր այն դեպքերում, երբ կա քաղաքաշինական նորմերի խախտում, երբ չկան ցանցերը, որի մասին կես տարի խոսվում է, ամեն օր պետք է տուգանել, երբ չկա համապատասխան կահավորում, պետք է գնալ ու տուգանել:
