Մայիսի 25-ին նշանակվեցին ՀՀ Սփյուռքի երկու փոխնախարարներ, որոնցից մեկը Բաբկեն Տեր-Գրիգորյանն է:
Բաբկենի կենսագրության մեջ նշված է, որ նա ծնվել է Փարիզում , մեծացել և կրթությունը ստացել է ԱՄՆ-ում:
Համագործակցել է մի շարք միջազգային իրավապաշտպան կազմակերպությունների և զարգացման գործակալությունների հետ, այդ թվում` The HALO Trust, Transparency International և ՄԱԿ-ի Զարգացման ծրագիր:
Նա նաև աշխատել է Ջորջ Սորոսի կողմից ֆինանսավորվող «Բաց հասարակության հիմնադրամներ Հայաստանում»՝ որպես ծրագրերի համակարգող:
2018թ-ի փետրվարից եղել է ԼՂՀ մարդու իրավունքների պաշտպանի խորհրդական:
Նշենք, որ նշված կազմակերպություններից շատերը ֆինանսավորվում են Ջորջ Սորոսի կողմից:
Նշվեց նաև, որ Տեր-Գրիգորյանը միաժամանակ հասարակական հիմունքներով ստանձնել է ՀՀ փոխվարչապետի խորհրդականի պաշտոնը տնտեսական գծով:
Առաջին հայացքից, կարծես թե ամեն ինչ նորմալ է, սակայն դժվար է պատկերացնել, թե ինչպես է աշխատելու այս փոխնախարարը մի նախարարությունում, որի ուշադրության տիրույթում սփյուռքն է, այն դեպքում, երբ վերջինս նման պաստառներով դուրս է եկել պայքարի: Հաշվի առնելով այն փաստը, որ ՌԴ-ում է գտնվում հայկական ամենամեծ համայնքը, այս նշանակումը, մեղմ ասած, տարօրինակ է: