Քաղաքականություն 

Ռուբեն Ռուբինյանը մանրամասներ է պատմում Արմեն Աշոտյանի հետ հանդիպումից ու սուրճ խմելուց

Այսօր Իմ քայլը խմբակցությունը տապալեց ԱԺ քննիչ հանձնաժողովի ստեղծելը՝ նշելով, հարցը կարող է ու պետք է լուծվի Երևանի ավագանու շրջանակներում:

Խոսքը վերաբերում է հայտնի նվիրատվությունների վերաբերյալ հարցով քննիչ հանձնաժողով ստեղծելուն:

Լրագրողների հետ ճեպազրույցի ժամանակ Ռուբեն Ռուբինյանը նշեց, թե ամբողջ հարցն այն է, որ Էդմոն Մարուքյանն ուշադրության պակաս ունի և փորձում է իր պնդումների բովանդակությունը լրացնել սկանդալներով:

«Ինչ վերաբերում է Մարուքյանի անհայտ կամ գուցե հայտնի աղբյուրներից ստացված և խեղաթյուրված տեղեկությանը, որի համաձայն ես հանդիպել եմ Աշոտյանի հետ և խնդրել եմ աջակցել, որ մենք մտնենք EPP և խնդրել եմ աջակցել ԵԱՀԿ-ում բանաձևի տապալմանը, ասեմ, որ հանդիպումը գաղտնի չի եղել, այն եղել է մոտ 7-8 ամիս առաջ, ինչի մասին ասվել է: Խոսակցության թեման երկուսն է եղել:

Հայտնի է, որ ԵԽԽՎ-ում ԱԺ պատվիրակության իմքայլականները, այդ թվում՝ ես, մտել ենք ԵԺԿ խմբի մեջ: Երբ ես մեր գործընկերների հետ քննարկում էի այդ հարցը, իմ այնտեղի գործընկերները խնդրեցին այդ մասին տեղյակ պահել պարոն Աշոտյանին՝ ելնելով բարեվարքությունից: Ես դա արել եմ՝ տեղյակ եմ պահել, ոչ թե խնդրել: Ասել եմ, որ մտնելու ենք ԵԺԿ խումբ:

Ինչ վերաբերում է ԵԽԽՎ-ում բանաձևին, ապա նույն հանդիպման ընթացքում Աշոտյանին հարցրել եմ՝ արդյո՞ք այդ հակահայկական բանաձևի պատգամավորի հետ կարող է հանդիպում կազմակերպել: Նա ասել է, որ կփորձի, սակայն չի կարողացել: Այդքանով այդ թեմայի շուրջ մեր խոսակցությունն ավարտվել »:

  •  
  •  
  •  
  • 1
  •  
  • 1
  •  
  •  
  •  
    2
    Shares

Նույն շարքից