ՌԴ Դաշնային խորհուրդն այսօրվա լիագումար նիստի ժամանակ պաշտոնից ազատեց ՌԴ Գլխավոր դատախազ Յուրի Չայկային: Այս մասին հայտնում է ՏԱՍՍ-ը:
Սենատորները շնորհակալություն են հայտնել Չայկային կառուցողական և արդյունավետ համագործակցության, ինչպես նաև երկրում օրենքի գերակայության ամրապնդման գործում ներդրումի համար:
Ավելի վաղ հայտնի էր դարձել, որ 2006 թվականից ՌԴ Գլխավոր դատախազ Յուրի Չայկային առաջարկել են զբաղեցնել Հյուսիս-Կովկասյան դաշնային շրջանում ՌԴ նախագահի ներկայացուցչի պաշտոնը:
Գլխավոր դատախազի պաշտոնի համար առաջադրվել է ՌԴ ՔԿ ղեկավարի տեղակալ Իգոր Կրասնովի թեկնածությունը: