Ադրբեջանում բարձրաստիճան գեներալներ են ձերբակալվել

Բաքվում ձերբակալվել են Ազգային անվտանգության նախարարության ևս երկու բարձրաստիճան գեներալներ։ Այդ մասին Haqqin.az լրատվական կայքին հայտնել են իրազեկ աղբյուրները։

Ըստ տեղեկության՝ տնային կալանքի տակ է վերցվել ազգային անվտանգության նախարարի առաջին տեղակալ, գեներալ-լեյտենանտ Հիլալ Ասադովը։ Ասադովից բացի ձերբակալվել է նաև Ազգային անվտանգության նախարարության ապարատի ղեկավար Ֆարհադ Վագաբովը։

Գլխավոր դատախազությունը ո՛չ հաստատել է, ո՛չ էլ հերքել Հիլալ Ասադովի ու Ֆարհադ Վագաբովի ձերբակալությունների փաստը։