Apple ընկերության Apple Watch «խելացի ժամացույցը» բավական դժվար կլինի վաճառել. պարզվել է՝ ամերիկացիների 69%-ը չի ցանկանում այն գնել: Այս տվյալները հիմնված են Reuters-ի կատարած հարցման վրա:
Գործակալության տեղեկացմամբ՝ հարցումը ցույց է տվել, որ ոչ բոլոր ամերիկացիներն են բավականաչափ տեղյակ Apple-ի նորույթի թողարկմանը: Հարցմանը մասնակցել է 1245 մարդ, այն անցկացվել է մարտի 9-13-ը: Apple-ում հարցման արդյունքները դեռ չեն մեկնաբանել:
