Նոյեմբերի 5-ին Տեխասի բապտիստական եկեղեցում տեղի ունեցած արյունալի հրաձգության պատճառը կարող էր լինել Դևին Քելլիի ընտանիքում տեղի ունեցած վեճը: Այս մասին հայտնում է Տեխասի հասարակական անվտանգության հարցերով վարչության պետ Ֆրիմեն Մարթինը, գրում է CNN-ը:
Նա նշել է, որ Քելլիի զոքանչը պարբերաբար այցելել է բապտիստական եկեղեցի, ինչի համար սպառնալիքներ է ստացել փեսայից: Հայտնի է դարձել նաև, որ Քելլին մի քանի անգամ ծեծկռտուք է սարքել՝ ծեծի ենթարկելով կնոջը և երեխային:
Հիշեցնենք, որ ԱՄՆ ռազմաօդային ուժերի նախկին զինծառայող Դևին Քելլին նոյեմբերի 5-ին սպանեց 26 մարդու:
