ԱՄՆ զինված ուժերի կենտրոնական ղեկավարությունը հերքել է ԶԼՄ-ներում հայտնված այն տեղեկությունը, որի համաձայն ամերիկյան զինվորականները լքելու են Թուրքիայում և Կատարում տեղակայված ռազմաբազաները:
«Նման սուտ և անհիմն հրապարակումները մեր դաշնակիցների շրջանում դառնում են անվստահության և պառակտման պատճառ, և սա այն դեպքում, երբ անվտանգության շրջանում խնդիրների լուծման համար անհրաժեշտ է համագործակցություն և միասնականություն»,- ասվում է CENTCOM-ի հայտարարության մեջ:
Ալ-Ջազիրա հեռուստաալիքն էլ նշում է, որ ռազմաբազաների հնարավոր էվակուացիայի մասին առաջին լուրերը հայտնվել են մարտի 22-ին իսրայելական ԶԼՄ-ներում:
