Սահմանադրական բարեփոխումների վերաբերյալ խորհրդակցությունները քաղաքական ուժերի հետ կլինեն առաջիկա օրերին: Այս մասին այսօր լրագրողներին հայտնեց ԱԺ փոխնախագահ, ՀՀԿ խոսնակ Էդուարդ Շարմազանովը:
Նրա խոսքով` այսօր կայացած նիստում հանրապետականները քննարկել են Սահմանադրության նոր նախագծի բազմաթիվ դրույթներ, երկրի ներքաղաքական իրավիճակը, առաջիկայում կայանալիք ՏԻՄ ընտրությունները:
Ինչ վերաբերում է Արդարադատության նախարարի` ավելի քան 1 ամիս թափուր մնացած պաշտոնին, ՀՀԿ խոսնակը նշեց, որ կադրային որեւէ հարց չի քննարկվել:
