Երկու ռուսաստանցիներ Կարելիայի Պեսկի օդանավակայանում ուղղաթիռից ավտոմեքենա են նետել: Այս մասին հայտնում է Լենտան։
Միջադեպի մասնակիցները Մոսկվայի երկու բնակիչներ են: Արարքի պատճառը եղել է խոշոր գործարքի շուրջ տղամարդկանց միջև գրազը: Ըստ գրազի՝ պարտվողը պետք է նետեր իր ավտոմեքենան, ինչն էլ արել է տղամարդկանցից մեկը:
Հրապարակման համաձայն, տղամարդիկ 20 րոպեանոց թռիչքի համար վճարել են 250 հազար ռուբլի: 1995 թվականի «Mercedes Gelandwagen» մակնիշի ավտոմեքենան ուղղաթիռին կցվել է մալուխով, այնուհետև ընկել մոտ 300 մետր բարձրությունից: Ավտոմքենայի մոտավոր արժեքը գնահատվում է մեկ միլիոն ռուբլի:
Օդանավակայանի աշխատակիցները դեպքն անվանել են «աննախադեպ իրադարձություն»:
