Ինչպես հաղորդում է INTERFAX.RU գործակալությունը, ԱՄՆ կոնգրեսականների պատվիրակությունը պաշտոնական այցով ժամանել է Կուբա:
Սա ամերիկացիների առաջին պաշտոնական այցն 2014թ.-ի դեկտեմբերի 17-ից հետո, երբ Օբաման հայտարարել էր երկու երկրների միջեւ հարաբերությունների կարգավորման մասին:
Սենատոր Պատրիկ Լիհին հայտնել է, որ նախկինում պատվիրակության անդամները եղել են Կուբայում, եւ իրենք կողմ են երկու երկրների հարաբերությունների կարգավորման ԱՄՆ նախագահի որոշմանը:
Հիշեցնենք, որ 2014թ.-ի դեկտեմբերին հեռուստատեսությամբ ելույթի ընթացքում Բարաք Օբաման հայտարարել էր Կուբայի հետ դիվանագիտական հարաբերություններ հաստատելու պատրաստակամության մասին:
Դիվանագիտական հարաբերություններն երկու երկրների միջեւ խզվել էին 1961թ-ից, երբ Կուբայական հեղափոխությունից հետո ազգայնացվեցին ամերիկյան ընկերություններն, իսկ իր հերթին ԱՄՆ-ը առեւտրական Էմբարգո սահմանեց Կուբայի նկատմամբ:
