Ռուսական «Կոգալիմավիա» ավիաընկերության ինքնաթիռի կործանման վայրում հայտնաբերվել է ինքնաթիռի բորտային ինքնագրիչը: Եգիպտոսի գլխավոր դատախազությունը գտնված «սև արկղը» կցել է գործի նյութերին: Այս մասին հաղորդում է Reuters-ը:
Նշվում է, որ Եգիպտոսի դատախազությունը համաձայնություն է տվել ռուս փորձագետների` ավիավթարի հետաքննությանը մասնակցելուն: Սինայ գավառի հետաքննությունը հայտարարել է, որ միջադեպի հետ կապված հարցաքննվում են ավիադիսպետչերները:
Նշվում է, որ երկրի քաղաքացիական ավիացիայի նախարարության թիմը կվերլուծի «սև արկղի» պարունակությունը:
