Սևազգեստ մայրերը կրկին բողոքի ակցիա են անում կառավարության մոտ: Նրանք պահանջում են լուծում տալ իրենց հարցերին, գտնել նրանց, ում պատճառով մահացել են իրենց որդիներն ու պատժել վերջիններիս:
«Ինչ-որ մի հատ վիճվածք իմ երեխու կյանքը խլել է, սպանել է: Արդեն 9 տարի անցել է, որևէ մեկը պատասխան չի տվել: Ես հավի ճուտ չեմ կորցրել, պայքարելու եմ մինչև վերջ: Ով իմ երեխու կյանքը խլել է, պետք է պատասխան տա, պետք է բերեն հրապարակում ձեռքերը կտրեն: Ծնողը պարտավոր չէ 18 տարի պահել որդուն ու ինչ-որ մի հատ վիժվածք սպանի նրան»:
Սևազգեստ մայրը հայտարարեց, որ հպարտ է իր որդու մայրը լինելու համար. «Հետախույզ տղա եմ ունեցել: Նա տղա է եղել: Ոմանք իրենց երեխեքից ամաչում են: Իսկ ես հպարտ եմ սև բերետավոր տղա ունենալու համար: Իմ տղերքն իսկական տղերք են»:
Մայրը վիրավորված է այն արտահայտություններից, թե իրենք իրենց որդիների նկարներով են ման գալիս. «Ես հպարտ եմ, որ նա իսկական տղա էր: Նա ազգի համար դոշ տված կանգնած է եղել: Նա շոպլիկ չի եղել: Եթե նա լպրծուն լիներ, այսօր ողջ կլիներ: Բա ո՞ւմ նկարներով պետք է ման գանք, եթե ոչ մեր որդիների»:
