Թուրքիան Իրաքի Մոսուլի շրջանի Բաշիքա քաղաքում հիմնում է 600 հոգանոց զորակազմով ռազմաբազա: Համապատասխան համաձայնագիրը կնքվել էր Թուրքիայի նախկին արտգործնախարար Ֆերիդուն Սինիրօղլուի և իրաքյան Քուրդիստանի ղեկավար Մասուդ Բարզանիի հանդիպման ժամանակ:
Նոյեմբերի 4-ին ձեռք բերված համաձայնագրով՝ Թուրքիայի Շիրթ նահանգից 400 հոգուց կազմված 3-րդ հարվածային բրիգադը 25 տանկի շարասյունով ուղարկվել է Բաշիքա::
Միջազգային ԶԼՄ-ների փոխանցմամբ՝ թուրքական զորախմբի ուղարկումը հյուսիսային Իրաք առաջացրել է Իրաքի իշխանությունների դժգոհությունը և որակվել որպես «թուրքական ներխուժում»:
