«Իրավունք» թերթը գրում է. «Օրեր առաջ մամուլը գրեց, որ նախկին վարչապետ Արամ Սարգսյանը հանդիպում է ունեցել վարչապետ Նիկոլ Փաշինյանի հետ, հանդիպման ընթացքում նրանք խոսել են Մանվել Գրիգորյանի կալանքի տակ գտնվելու մասին:
Սարգսյանը նշել է, որ եթե Մանվել Սարգսյանին բանտում որևէ բան պատահի, ողջ կյանքում բեռ է դառնալու իր խղճին: Փաշինյանն էլ պատասխանել է, որ ինքն էլ չի ցանկանա, որ նման բան լինի, ու ինքն էլ է մարդ, որ իր խղճին ևս կծանրանա և հավելել, որ մի անգամ բաց է թողել, սակայն Գրիգորյանը, գտնվելով դրսում, իրեն սխալ է պահել, որ արդյունքում կրկին հայտնվել է կալանավայրում:
Մենք այս մասին փորձեցինք հարց ուղղել վարչապետի մամուլի պատասխանատու Վլադիմիր Կարապետյանին՝ ճշտելու, թե արդյոք եղել է նման հանդիպում, և արդյոք այն, ինչ ասում է պարոն Սարգսյանը, համապատասխանում է իրականությանը:
Չգիտես ինչու, Վ. Կարապետյանը բավականին ցավոտ ընդունեց հարցը՝ մեզ ասելով, որ խելքը գլխին հարցեր տանք:
Այնուամենայնիվ, պարոն Կարապետյանը պատասխանեց, որ դա անհեթեթություն է և իրականության հետ աղերս չունի»:
Մանրամասն՝ թերթի այսօրվա համարում
