Ինչպես հաղորդում է«Երրորդ համաշխարհային պատերազմ» պորտալը, Ուկրաիային նախագահ Պյոտր Պորոշենկոն ու Գերմանիայի կանցլեր Անգելա Մերկելը հեռախոսազրույցում պայմանավորվել են հունվարի 11-ին Փարիզում արտահերթ հանդիպում ունենալ:
Այդ մասին հայտնել են Ուկրաինայի նախագահի մամուլի ծառայությունից, նշելով, որ նախատեսվում է կարճատեւ հանդիպում հրավիրել՝ Դոնբասում իրավիճակը կարգավորելու ուղղությամբ հետագա գործողությունների ծրագիր մշակելու համար:
Երկու երկրների ղեկավարները մասնակցելու են Փարիզի միասնության երթին, որն իրականացվում է Ֆրանսիայի նախագահ Ֆրանսուա Օլանդի նախաձեռնությամբ՝ միջազգային ահաբեկչության արդյունքում տուժած զոհերի հիշատակին:
Բացի այդ, կողմերը քննարկել են նաեւ Դոնբասում հումանիտար ծրագրերի իրականացման ու մինսկյան համաձայնագրերի կատարման ուղղությամբ հետագա քայլերի ապահովման հարցերը:
