Հայկական հարցը դարձել է քաղական գործոն. այս մասին այսօր մամուլի ասուլիսին ասաց քաղաքագետ Հրանտ Մելիք-Շահնազարյանը՝ ամփոփելով Հայոց ցեղասպանության հարյուրերորդ տարելիցի միջոցառումները:
Նա նշեց, որ միամտություն կլիներ կարծել, որ Թուրքիան այս տարի կճանաչեր Հայոց ցեղասպանությունը և փոխհատուցման հարցին կարձագանքեր, սակայն կարևորն այն է, որ Թուրքիան տեսավ, որ անվտանգության հարցերում Հայաստանը միայնակ չէ:
«Դեռ ժամանակի ընթացքում արդյունքները կերևան, բայց կարելի է ասել, որ հարավային Կովկասում քաղաքական նոր իրողություն է ստեղծվել, որի նպատակը մի կողմից Թուրքիայի ակտիվությունը զսպելն է, մյուս կողմից՝ նոր նախաձեռնություններ ի հայտ բերելն է»,-ասաց նա և նկատեց, որ Հայաստանի թե՛ միջազգային հեղինակությունը, թե՛ քաղաքական ազդեցությունը տարածաշրջանում նոր նախաձեռնություններ բերելու տեսանկյունից բավականին մեծացել է:
Հրանտ Մելիք-Շահնազարյանն ասաց, որ Թուրքիան հայտնվել է մի իրավիճակում, երբ չունի դաշնակից հարևաններ: Ինչ վերաբերում է Գալիպոլիի միջոցառումներին, քաղաքագետը նկատեց, որ դա Թուրքիայի համար ցանկալի արդյունք չտվեց և եղավ պարզապես քաղաքական միջոցառում՝ ի տարբերության Ցեղասպանության հարյուրերորդ տարելիցի:
«Թուրքիան սկսելու է պայքարել հայկական գործնի թուլացման համար»,-ասաց նա:
