Հուլիսի 17-ին ԱԺ եվրոպական ինտեգրման հարցերի մշտական հանձնաժողովի նախագահ Նաիրա Զոհրաբյանը հանդիպեց հասարակական կազմակերպությունների մոտ 30 ներկայացուցիչների հետ:
Երիտասարդներին հետաքրքրում էր Եվրասիական տնտեսական միության եւ Եվրոպական միության հետ Հայաստանի հարաբերությունների ներկա փուլը: Տիկին Զոհրաբյանը մանրամասն ներկայացրեց Եվրասիական միության ու ԵՄ-ի հետ կապված գործընթացները, իրավիճակը եւ առաջնահերթությունները: Երիտասարդների խնդրանքով հանձնաժողովի նախագահը ներկայացրեց ոչ իշխանական քառյակի գործունեությունը, առաջիկա քայլերն ու ծրագրերը:
Հանդիպման ընթացքում քնարկվեցին նաեւ միջազգային կառույցներում խորհրդարանական աշխատանքի ակտիվացմանը վերաբերող հարցեր, արտագաղթին, հատկապես երիտասարդության շրջանում մեծ տոկոս կազմող գործազրկությանն առնչվող խնդիրներ: Պայմանավորվածություն ձեռք բերվեց նման հանդիպումները դարձնել շարունակական:
