Սոցցանցերում վերջին օրերին ակտիվ տարածվում էր մի նյութ, որտեղ գովազդվում էր մազահանման հրաշք միջոց, որի օգնությամբ կարելի է մշտապես ազատվել ավելորդ մազերից:
Զարմացած վերոնշյալ ապրանքի բարձր գնից, պատվիրեցի այն՝ հասկանալու համար, թե այդ ինչ հրաշք միջոց է: Արդյունքը ոչ միայն հիասթափեցրեց, այլ նաև ստիպեց ինձ մանրամասն հասկանալ, թե ով է տվյալ խաբեության հեղինակը: Պարզվեց, որ տվյալ ապրանքը Հայաստան ներմուծում և առաքում է ՛՛Բիլեցցա՛՛ ՍՊԸ-ն: Նշեմ, որ այս կազմակերպությունը խախտում է ՀՀ Գովազդի մասին օրենքի 5, 6, 7 հոդվածների մի շարք կետեր, ինչպես նաև բացահայտ խաբում է մարդկանց նաև ապրանքի գնի մեջ, քանզի իր վաճառած ապրանքի իրական գինը 10-20 անգամ ավելի էժան է, քան վերոնշյալ կազմակերպությունը վաճառում է այն ՀՀ-ում: Ավելին՝ ապրանքն առաքելիս և գումարը վերցնելիս օրինական որևէ պահանջ չի պահպանվում, որևէ թուղթ չի տրամադրվում գնորդին:
Գնային համեմատություն
Սա առաջին դեպքը չէ, երբ Բիլեցցա անունով կազմակերպությունը զբաղվում է բացահայտ խաբեությամբ՝ վաճառելով ապրանքներ՝ առանց պահպանելու օրենքի որևէ տարր, ինչպես նաև խաբելով իր հաճախորդներին: Ժամանակին այս նույն ՍՊԸ-ն գովազդում էր նիհարելու համար նախատեսված կանաչ սուրճը, որը նույնպես խաբեություն էր: Այդ թեմային նույնպես անդրադարձել են լրատվամիջոցները:
Հուսով ենք՝ համապատասխան մարմինները կձեռնարկեն անհրաժեշտ քայլեր վերոնշյալ ՍՊԸ-ի հակաօրինական գործունեությունը կանխելու ուղղությամբ, ինչպես նաև հետագայում կկանխեն այս ՍՊԸ-ի կողմից սպառողների շահերի ոտնահարման մշտական բնույթ կրող գործունեությունը:
Կոչ ենք անում նաև շատ ուշադիր լինել առցանց ապրանքներ պատվիրելիս՝ խաբեության զոհ չդառնալու համար: Այս ՍՊԸ-ի հերթական խաբեությունը գովազդվում է այս հղումով, ուստի ուշադիր եղեք:
Սրանք էլ այն հեռախոսահամարներն են, որոնցով առցանց ապրանքը պատվերլուց հետո կապ են հաստատում պատվիրատուի հետ.
