Կիրակի օրն աշխարհի կաթոլիկների համար նշանավոր օր էր, քանի որ 2 նախկին պոնտիֆիկոսներ՝ Հովհաննես Պողոս 2-րդն ու Հովհաննես 23-րդը միաժամանակ սրբադասվել են Վատիկանում։
Այս երևույթն ուշագրավ էր այնքանով, որ սա պատմության մեջ առաջին դեպքն է, երբ սրբերի դասին է կարգվում միանգամից 2 նախկին Պապ։ Բացի այդ, սա առաջին դեպքն էր, երբ այդ հանդիսավոր միջոցառմանը ներկա էին գործող և նախկին Պապերը՝ Ֆրանցիսկոսն ու Բենեդիկտոս 16-րդը։
Նշվում է, որ սրբադասման արարողության կապակցությամբ Վատիկանի Սբ Պետրոս հրապարակում հավաքվել են հարյուր հազարավոր հավատացյալներ։
Բրիտանական The Telegraph պարբերականն ուշագրավ ֆոտոշարքով ներկայացրել է Հովհաննես Պողոս 2-րդի ու Հոհաննես 23-րդ սրբադասման արարողոությունը։
