Լուսավոր Հայաստանի ու խորհրդարանական մեծամասնության միջև փոխհրաձգություն չկա, կա դեբատ, որը մի քիչ լավ չի ընթացել: Ես հույս եմ հայտնում, որ բոլորս դասեր ենք քաղել այս դեբատից՝ թե' վարչապետը, թե' մենք, թե' մեծամասնությունը, հուսով եմ այսուհետ ամեն ինչ նորմալ քաղաքակիրթ աշխատանք կտեսնենք: Այսօր՝ փետրվարի 18-ին ԱԺ ճեպազրույցի ժամանակ հայտարարեց ԼՀ խմբակցության ղեկավար Էդմոն Մարուքյանը։
Ինչ վերաբերում է հարցին, թե ով է թիվ մեկ ընդդիմադիրը, Մարուքյանը նշեց, որ իրենք ոչ մի հարցում չեն ասել, թե թիվ մեկն են. «Քաղաքացիների ընտրությամբ կորոշվեն, թե ով ով է: Հիմա երրորդ ուժն ենք, քաղաքացին է որոշել»:
Մարուքանը նշեց, որ Հայաստանում իշխանությունն այսօր լեգիտիմ է, այն տապալելու որևէ ցանկություն ու ծրագիր չունեն, մանսակցելու են հաջորդ ընտրություններին, և ժողովուրդը կորոշի, թե ով կլինի իշխանությունը. «Մենք չենք ուզում, որ իշխանությունը չարդարացնի իրեն, մենք բոլորս մի նավի մեջ ենք, մեր երեխաներն են այս երկրում ապրում ու ապրելու են»:
