ՀՀ ԱԺ փոխխոսնակ Լենա Նազարյանն իր էջում գրում է. «Որ լրիվ պարզ լինի. 2020 հուլիսի 1-ից սկսած մինչև 2 տարեկան երեխայի խնամքի ավելի բարձր ամսական նպաստ (26.500 ՀՀ դրամ 18.000-ի փոխարեն) կստանան ՆԱԵՒ աշխատանք չունեցող մայրերը, եթե ապրում են գյուղական բնակավայրում։
Իսկ եթե մայրը գյուղական վայրում նաև աշխատանք ունի, ապա երեխայի խնամքի նպաստը մինչև նրա 2 տարեկան լրանալը կլինի կրկնակի՝ ամսական 53.000 ՀՀ դրամ։
Հավելեմ նաև, որ հուլիսի 1 ժամկետը վերաբերում է նպաստի բարձրացման օրվան և տարածվելու է այդ պահին բոլոր շահառուների վրա, որոնք ստանում նպաստը»։
