Եվրախորհրդի գլխավոր քարտուղար Թորբյորն Յագլանդը կոչ է արել ինը պետությունների ստորագրել ստամբուլյան կոնվենցիան: Նշենք, որ Եվրոպայի Խորհրդի այս կոնվենցիան Կանանց նկատմամբ բռնության և ընտանեկան բռնության կանխարգելման և դրա դեմ պայքարի մասին է:
Այս մասին հայտնում է panorama.am կայքը։
Յագլանդը ողջունել է այն պետություններին, որոնք ստորագրել են կոնվենցիան կամ էլ մտադրություն են հայտնել այն վավերացնելու մասին:
«Միայն ինն անդամ պետություններ դեռ չեն ստորագրել կարևոր այս փաստաթուղթը՝ Հայաստանը, Ադրբեջանը, Բուլղարիան, Չեխիան, Իռլանդիան, Լատվիան, Լիխշտեյնը, Մոլդովան ու Ռուսաստանը: Ես կոչ եմ անում նրանց ստորագրել կոնվենցիան առանց հապաղելու»,-ըստ ԵԽ պաշտոնական էջի, ասել է Յագլանդը:
Նշենք, որ Կոնվենցիան ստորագրվել է 2011-ի մայիսին, ուժի մեջ է մտել 2014-ի օգոստոսին:
