ԱՄՆ Սենատի միջազգային հարցերի հանձնաժողովի նիստի ժամանակ ամերիկացի սենատոր Ռոբերտ Մենենդեսը, դիմելով Թուրքիայում ԱՄՆ դեսպանի թեկնածու Դևիդ Սաթթերֆիլդին, ցանկացել է իմանալ՝ ճանաչում է արդյո՞ք նա Հայոց ցեղասպանությունը:
«Նախագահը հայտարարել է, որ դա եղել է XX դարի ամենասարսափելի ողբերգություններից մեկը, ես միանում եմ այդ հայտարարությանը»,-պատասխանել է դեսպանի թեկնածուն՝ նշելով, թե գիտի, որ սպանվել է 1,5 միլիան հայ:
Սենատորը մի քանի անգամ էլ է փորձել հստակ պատասխան ստանալ, սակայն իր ուզածին չհասնելուց հետո հայտարարել է, որ դա նման է դիվանագիտական պարի. «Մենք՝ որպես պետություն, չենք կարողանում ճանաչել պատմական փաստը և չենք կարողանում արտաբերել «Հայոց ցեղասպանություն» արտահայտությունը: Մենք չենք կարող առաջ գնալ, քանի դեռ չենք ընդունել անցյալը»:
