Չինաստանը կոչով դիմել է Առևտրի համաշխարհային կազմակերպության անդամներին՝ նշելով, որ պետք է միավորվել ԱՄՆ-ի տնտեսական քաղաքականության դեմ: Այս մասին հայտնում է ՌԻԱ Նովոստին՝ հղում անելով ԱՀԿ-ում Չինաստանի մշտական ներկայացուցիչ Չժան Սյանչենին:
Չինացի պաշտոնյայի խոսքերով, ամերիկյան իշխանությունների գործողությունները լրջորեն խարխլել են կազմակերպության հիմքերը և աննախադեպ սպառնալիք ստեղծել բազմակողմանի առևտրային համակարգի համար:
Ինչ վերաբերում է ԱՄՆ-ի մաքսային քաղաքականությանը չինական պատասխանին, ապա Սյանչենը նշել է, որ դա անհրաժեշտություն է և պատասխան արտակարգ իրավիճակին:
