Հայտնի ռեփեր Տիմատին արձագանքել է համացանցում բազմաթիվ մեկնաբանություններին, որոնցում օգտատերերը դատապարտում են նրան և ռեփեր Գուֆին՝ «Մոսկվա» երգի համատեղ տեսահոլովակի համար: Նա հայտարարել է, որ հեռացրել է տեսանյութը համացանցից ՝ «որպեսզի չշարունակվի բացասական ալիքը»: Այնուամենայնիվ, տեսահոլովակը դեռ կարելի է գտնել երգչի պաշտոնական էջում:
«Մեծ աղմուկ եղավ, սակայն այդպիսի նպատակ չի եղել: Ես հասկանում եմ, որ ռեզոնանսային կարծիքը հաճախ ընկալվում է բացասական պրիզմայով, ինչպես ցանկացած անհեռանկարային որոշում: Ես չեմ ուզում շարունակել վիրավորել մարդկանց առանց որևէ պատճառաբանության, առանց ինձ էլ բոլորն ունեն բավարար խնդիրներ։ Ջնջում եմ տեսանյութը, որպեսզի չշարունակեմ այս բացասական ալիքը: Ոչ մեկին վիրավորելու նպատակ չկար»,- գրել է երգիչը Instagram-ի իր էջում:
Ավելի վաղ Տիմատին գրել էր, որ հրապարակված տեսահոլովակի համար գումար չի ստացել և չի ամաչում թողարկված երգի համար: Նա նաև ավելացրել է, որ երախտապարտ է քաղաքապետին և ամեն օր տեսնում է, թե «ինչպես է ծաղկում նրա քաղաքը»: Instagram-ի այս գրառումը ներկայումս անհասանելի է:
Գուֆն իր հերթին պատասխանել է զայրացած մեկնաբանություններին: Նա շեշտել է, որ տեղյակ չէ մայրաքաղաքում տիրող քաղաքական իրավիճակից և առաջիկա ընտրություններից:
«Ինձ մոլորեցրեցին։ Ես ամբողջ կյանքում կարդացել եմ, կարդում եմ և շարունակելու եմ ռեփ կարդալ Մոսկվայի մասին: Սակայն հիմա, հավանաբար, առանց Տիմատիի»,-ասել է նա Instagram- ի իր էջում տեղադրված տեսաուղերձում։
Ավելի վաղ, ռեփերներին մեղադրում էին YouTube-ում տեսանյութը հրապարակելու համար կոռումպացված լինելու մեջ: Տեսահոլովակը հավաքել է 1.4 միլիոն հավանում:
