ՌԴ ԱԳՆ ղեկավարի տեղակալը Կասպրշիկի հետ քննարկել է ղարաբաղյան հակամարտության գոտում տիրող իրավիճակը

Լեռնային Ղարաբաղի հակամարտության գոտու իրավիճակի հետ կապված արդիական հարցեր են քննարկվել Ռուսաստանի Դաշնության արտաքին գործերի նախարարի տեղակալ, պետական քարտուղար Գրիգորի Կարասինի և ԵԱՀԿ–ի Լեռնային Ղարաբաղի հարցով գործող նախագահ Անջեյ Կասպրշիկի հանդիպման ընթացքում։

Հանդիպումը կայացել է չորեքշաբթի ռուսական ԱԳՆ–ում, ասվում է գերատեսչության կայքում։