Որպես Ձմեռային օլիմպիական խաղերի կազմակերպիչ ու հյուրընկալ Ռուսաստանը կոչ է արել բոլոր զինված հակամարտությունների մասնակիցներին «օլիմպիական հրադադար հայտարարել», ասվում է Ռուսաստանի ԱԳՆ հայտարարությունում:
«Մեր կոչն առաջին հերթին ուղղված է Սիրիայում հակամարտող կողմերին, որը լուրջ ապակայունացնող ազդեցություն է թողնում ոչ միայն այդ երկրի, այլեւ ամբողջ տարածաշրջանի վրա»,-ասվում է հաղորդագրությունում:
Նմանատիպ կոչ-հայտարարությամբ է հանդես եկել նաեւ միջազգային կազմակերպության քարտուղար Բան Կի Մունը:
Հիշեցնենք, որ Բան Կի Մունը Սոչի է ժամանել, որտեղ կմասնակցի 22-րդ Ձմեռային օլիմպիական խաղերի բացման արարողությանը:
Հունվարի 31-ին Բան Կի Մունն առաջին անգամ կոչ է արել ներկայիս հակամարտությունների բոլոր կողմերին դադարեցնել ռազմական գործողությունները Սոչիի Օլիմպիական խաղերի ընթացքում:
