Պետերբուրգում տեղի է ունեցել ՀԱՊԿ խորհրդարանական վեհաժողովի աշնանային նստաշրջանը, որի ընթացքում քաղաքական հարցերի և միջազգային համագործակցության մշտական հանձնաժողովի նախագահ է ընտրվել ՀՀ ԱԺ փոխխոսնակ Ալեն Սիմոնյանը:
«Իմ պրակտիկայում առաջին դեպքն է, որ նման բարձր պաշտոն ունեցողն ընտրվում է մեր հանձնաժողովի նախագահ: Սա ցուցիչ է: Հայաստանի Ազգային ժողովը սրանով ցույց է տալիս իր վերաբերմունքը, այն, որ Երևանը լուրջ է վերաբերում այս պաշտոնին, ինչը վկայում է մեր հայ գործընկերների կողմից մեծ վստահության մասին»,-հայտարարել է ՀԱՊԿ ԽՎ պատասխանատու քարտուղար Պյոտր Ռյաբուխինը:
