Թուրքական Haberler.com-ը հաղորդում է, որ Ստամբուլի եվրոպական հատվածում մարտի 5-ին սպանվել է տաջիկ հայտնի ընդդիմադիր գործիչ, «Խումբ 24» միավորման առաջնորդ Ումարալի Քուվաթովը:
Նշվում է, որ 47-ամյա Քուվաթովը մարտի 5-ին եղել է իր ծանոթի տանը Ֆաթիհի շրջանում: կեսգիշերին մոտ նա դուրս է եկել փողոց, այնտեղ նրան է մոտեցել անծանոթ մի անձ, կրակել գլխին եւ հեռացել:
Ոստիկանությունը փնտրում է տանտիրոջը, որտեղ այդ երեկո եղել է Քուվաթովը:
Ընդդիմադիր գործչի սպանության տարբեր վարկածներ են քննվում: Նրա կինն ու երեխաները շոկի մեջ, հաղորդում է Lenta-ն:
2012 թվականին Տաջիկստանից փախած գործարար Ումարալի Քուվաթովը Ռուսաստանի տարածքում ստեղծել է «Խումբ 24» միավորումը: 2014-ի հոկտեմբերի 9-ին Տաջիկստանի Գերագույն դատարանը այդ կազմակերպությունը ահաբեկչական է ճանաչել:
