Սպորտային կյանքի աշխուժացման, առողջության ամրապնդման, ֆիզիկական զարգացման, կենսականորեն անհրաժեշտ շարժողական հմտությունների ամրապնդման նպատակով Նոր Նորք վարչական շրջանի մանկապարտեզներում պարբերաբար կազմակերպվում են ֆիզկուլտուրայի բաց պարապմունքներ և սպորտլանդիաներ:
Հերթական սպորտային միջոցառումը Նոր Նորքի հ. 113 մանկապարտեզում էր, որտեղ խաղի միջոցով երեխաներն իրենց ուժերը չափեցին սպորտում: Այսօրինակ սպորտլանդիաները նպաստում են մանուկների օրգանիզմի գործառական հնարավորությունների ավելացմանը, հիմնական շարժողական որակների ու հմտությունների զարգացմանը, ֆիզիկական վարժությունների, հիգիենայի վերաբերյալ գիտելիքների ստացմանը:
