Նախօրեին E ալիքով տեղի է ունեցել Keeping Up with the Kardashians ռեալիթի-շոուի հերթական դրվագի ցուցադրությունը, որտեղ տեղ է գտել Քիմ Քարդաշյանի, Քանյե Ուեսթի և նրանց դստեր՝ Նորթի, հայաստանյան այցելությունը ներկայացնող տեսահոլովակը, գրում է Examiner-ը:
Հաջորդ սերիան նվիրված է «Կարապի լճում» Քանյե Ուեսթի համերգին, Քիմի, Քլոեի, Քանյեի և Նորթի այցելությանը Գառնի և Գեղարդ։
Այնուհետեւ ներկայացվում է Քիմի, Քանյեի և Նորթի այցելությունը Երուսաղեմ, որտեղ արդեն 2-րդ երեխային սպասող Քիմը հայկական եկեղեցում մկրտում է դստերը։
Նշենք, որ հոլովակը դեռ չի հայտնվել համացանցում:
