Այս շաբաթ Ուզբեկստանում կյանքից հեռացել է 135-ամյա Տուտի Յուսուպովան, ում հարազատները պնդում են, որ կինը եղել է աշխարհի ամենատարեց բնակիչը:
Ինչպես նշում է dailymail.co.uk-ը, այժմ նրանք ցանկանում են, որ 1880թ. հուլիսի 1-ին լույս աշխարհ եկած Յուսուպովայի անունը պաշտոնապես գրանցվի հանրահայտ Գինեսի ռեկորդների գրքում: Աղբյուրը մանրամասնում է, որ ներկայում Գինեսի ռեկորդակիր է ֆրանսուհի Ժան Կալմենը, ով մահացել է 122 տարեկանում:
Յուսուպովայի անվան գրանցումն այդքան էլ անհավանական չի հնչում, քանի որ հանգուցյալն ունի և՛ ծննդյան վկայական, և՛ անձնագիր, որոնք ապացուցում են նրա տարիքը:
Պարբերականը հավելում է, որ մահից առաջ ուզբեկական հեռուստաալիքներից մեկին տված հարցազրույցում Յուսուպովան պատմել է, որ երկարակեցության գաղտնիքը շատ աշխատելու ու ազնիվ ապրելու մեջ է:
