Sotheby's International Realty անշարժ գույքի գործակալությունը 2 մլն դոլարով վաճառքի է հանել Նյու Յորքից 15 կմ դեպի հյուսիս ընկած մի առանձնատուն, որտեղ իր մանկությունն է անցկացրել հոլիվուդյան աստղ Անջելինա Ջոլին, գրում է The Daily Mail-ը:
Դերասանուհու մայրը` Մարշելին Բերտրանը, իր դստեր և որդու հետ այս առանձնատուն է տեղափոխվել 1980-ական թվականներին` ամուսնալուծությունից հետո։
50-ականներին կառուցված տունն ունի 4 ննջասենյակ, ընդարձակ խոհանոց, լավ հարմարություններ և կից հողատարածք: Հայտնի է, որ Ջոլին այստեղ է բնակվել մի քանի տարի շարունակ, ինչից հետո նա տեղափոխվել է Լոս Անջելես, որտեղ էլ շարունակել է ուսումը։
