Կյանքի 90-րդ տարում մարտի 18-ին վախճանվել է Մայր Աթոռ Սուրբ Էջմիածնի երիցագույն միաբաններից՝ Գերաշնորհ Տ. Եղիշե արքեպիսկոպոս Կիզիրյանը: Այս մասին տեղեկացնում է Մայր Աթոռի տեղեկատվական համակարգը:
«Սրբազան Հոր վախճանը մեծ կորուստ է Հայաստանյայց Առաքելական Սուրբ Եկեղեցու համար: Ն.Ս.Օ.Տ.Տ. Գարեգին Բ ծայրագույն պատրիարք եւ Ամենայն Հայոց կաթողիկոսը եւ Մայր Աթոռ Սուրբ Էջմիածնի միաբանությունը խորապես սգում են բազմավաստակ Եղիշե Սրբազանի մահը»,- ասված է հաղորդագրության մեջ:
