Ինչպես հաղորդում է ՏԱՍՍ գործակալությունը, Դեբալցեւոյում գրանցվել է հրադադարի խախտման դեպքեր:
Այդ մասին հայտնել է ԵԱՀԿ դիտորդական խմբի ղեկավար Ալեքսանդր Հուգը, նշելով, որ կողմերը 30 րոպեում միմյանց նկատմամբ իրականացրել են շուրջ 100 կրակոց:
Միաժամանակ դիտորդների տվյալներով ակտիվ ռազմական գործողությունները շարունակվում են Դոնեցկի օդանավակայանի ու Շիրոկինո բնակավայրի մոտակայքում:
ԵԱՀԿ դիտորդները որոշել են Դոնեցկի օդանավակայանի տարածք ուղարկել ռազմական փորձագետների 2 խումբ, ինչպես նաեւ կոչ են արել կողմերին դադարեցնել կրակը:
Հրադադարի հաստատումից հետո Դոնբասի մի շարք դպրոցներ վերսկսել են աշխատանքները:
Ավելի վաղ Դոնեցկի պաշտպանության փոխնախարար Էդուարդ Բասուրինը հայտնել էր, որ հրադադարը հիմնականում խախտում են ուկրաինական ազգայնական-կամավորական զորաջոկատները:
