Անգլիայում և Ուելսում ուժի մեջ Է մտնում օրենքը, որն արգելում Է ամուսնության հարկադրելը: Նման գործողություններն այժմ կգնահատվեն որպես քրեական հանցագործություն: Պատիժը կարող Է կազմել մինչև յոթ տարվա ազատազրկում, տեղեկացնում Է BBC-ին:
Նոր նորման կկիրառվի ինչպես Անգլիայում և Ուելսում, այնպես Էլ արտասահմանում Միացյալ Թագավորության հպատակների նկատմամբ: Նախարարների կաբինետում այն կարծիքին են, որ օրենքը կարող Է փրկել հազարավոր մարդկանց, ովքեր ամեն տարի նման խնդիր են ունենում:
Անցյալ տարի ամուսնության հարկադրելու հիմնախնդրով զբաղվող կառավարական հանձնաժողովը քննարկել Է 1302 նման դեպք: Դեպքերի 82 տոկոսը վերաբերում Է կանանց, իսկ բոլոր տուժածների 15 տոկոսը դեռ 15 տարեկան չի եղել:
Հիմնախնդիրն առավել սուր Է ծառացած Պակիստանից սերածների համար. նրանք կազմել են անցյալ տարի ուսումնասիրված դեպքերի գրեթե կեսը (43 տոկոս):
