Օգոստոսի 24-ին «Կանեփ-կակաչ-2019» համալիր օպերատիվ-կանխարգելիչ միջոցառման շրջանակներում ոստիկանության Աշտարակի բաժնի քրեական հետախույզները, կազմակերպված հանցավորության դեմ պայքարի գլխավոր վարչության թմրամիջոցների անօրինական շրջանառության դեմ պայքարի և Արագածոտնի մարզային վարչությունների ծառայողների հետ համագործակցելով` Ոսկեվազ գյուղի բնակիչներից մեկի տան հարակից այգուց զննությամբ հայտնաբերել են կանեփանման 14 բույս, իսկ տան հետնամասից` նույն բույսի չորացված տերևներ: Ըստ տանտիրոջ` հայտանբերվածը կանեփ է, ինքն է աճեցրել իր օգտագործման համար:
Հայտնաբերվածն առգրավվել է:
Նախապատրաստվում են նյութեր:
Թմրամիջոցների ապօրինի շրջանառության դեմ ուղղված միջոցառումները շարունակվում են:
