Ֆրանսիայի իրավապահներն ամեն ինչ անում են ահաբեկչական հարձակումները կանխելու համար, սակայն դրանք ավելի ու ավելի շատ են լինելու: Այս մասին լրագրողների հետ զրույցի ժամանակ հայտարարել է Ֆրանսիայի վարչապետ Մանյուել Վալսը:
Վալսը նման հայտարարություն արել է՝ անդրադառնալով օրեր առաջ Իսլամական պետություն ահաբեկչական խմբավորման կողմից ստանձնած հարձակմանը, երբ սպանվեց ոստիկան և վերջինիս կինը:
«Մենք պետք է ամրապնդենք անվտանգության միջոցները, ոստիկանությանը և հատուկ ծառայություններին տրամադրենք բոլոր միջոցները, որոնք անհրաժեշտ են»,-ասել է Վալսը:
Ֆրանսիայի վարչապետը նաև հայտնել է, որ միայն 2013 թվականից հետո ֆրանսիացի իրավապահները կանխել են 15 ահաբեկչական հարձակում:
